謝霆鋒甄子丹內地替身特技人 電單車意外身亡終年37歲

由謝霆鋒、甄子丹主演，導演陳木勝遺作《怒火》，一如陳導風格充滿打鬥熱血場面，當中更有唔少電單車飛車場面。近日內地傳媒報導指，片中為謝霆鋒擔任替身嘅電單車動作演員周偉，早前喺訓練特技學員期間發生車禍，最終不幸逝世，終年37歲。同時都係內地電單車網紅，不時分享有關資訊，因此唔少車友對於「尾巴哥」離世感到愕然。有網民話出事前一晚周偉仲有喺微信朋友圈發文。有報導指，周偉已婚，並育有年幼兒子。