謝霆鋒開騷前最後6日　「極速減磅」餐單大公開

謝霆鋒將舉行啟德騷(24號開始)，隨住演唱會日子愈嚟愈近，佢都狂操肌，並拍片分享自己一星期極速減磅餐單！

最令人意想唔到係佢一星期餐單入面，竟然有4日係食高蛋白餐，包括2-3粒茶葉蛋，雞胸肉唔用油落鑊煎，加上自家公司出品嘅蝦肉腸，用氣炸鍋加熱，賣相好吸引。至於其他3日，就會食沙律。