鄧麗欣（Stephy）一連3場《STEP by STEPHY鄧麗欣紅館演唱會2025》，首次紅館個人騷，Stephy 準備充足，狀態大勇，先穿上性感大露背閃石背心大騷香肩及纖腰。
她直言十分鐘的跳唱表演並不容易：「幾十年沒跳舞，是不是很有誠意呢？那幾個圈練習時站不穩，」選這幾首歌因為本身沒什麼跳舞歌，可以騷腹肌。她向歌迷道謝：「唔好意思，要你哋等咁耐，終於喺呢度見面，好多謝大家陪住我成長，一路不放棄我，等我上到呢個舞台，非常多謝你哋。」
頭場嘉賓林峯
當Stephy演唱《十分愛》之後，表演嘉賓林峯升上舞台，全場驚喜尖叫，他們合唱《好心好報》後擁抱。
第二場嘉賓MC張天賦
二人合唱《好心好報》，更完美還原電影中Stephy替MC打領帶調情戲，MC害羞得一秒耳紅，非常搞笑。穿著白色高定的Stephy與白馬王子look的MC，非常相襯。Stephy笑指MC耳仔發紅，MC說：「其實我好緊張，因為好少同你咁近距離，上次係拍戲打呔嗰陣，所以依家都有啲餘韻，好緊張！」
尾場嘉賓Jeffery魏浚笙
兩人同台合唱《好好戀愛》，全場觀眾尖叫聲不斷，氣氛相當高漲。合唱完畢後，Jeffrey向Stephy送上禮物並謂：「我有嘢送俾你家姐，我送幅畫俾你。我知道家姐好鍾意畫畫，所以我就花咗心思。」
Encore部份，Cookies六位成員上台與Stephy合體。
