大埔宏福苑大火殉職消防員何偉豪12月19日在和合石浩園安葬，約30名來自沙田消防局的同袍默默圍在墓地旁送別戰友。
安葬儀式結束後，約30名來自沙田消防局的同袍默默圍在墓地旁邊，他們沒有太多發言，但看到他們一次又一次拭淚，有人輕輕拍著戰友的肩膀互相扶持。其中一位同袍強忍著悲傷，望著面前何偉豪的墓碑緩緩開口說道：「今日沙田消防局好多位兄弟嚟送你最後一程。偉豪，你安息啦，你係我哋沙田消防局嘅光榮同驕傲，喺我哋心目中，你一直都係英雄。」
有同袍早前曾為他祈禱，表示「祈禱當中，見到偉豪上咗天堂，佢喺上面望落嚟係好開心嘅。」話至於此，這位同袍情緒激動起來，哽咽落淚說：「偉豪，當我哋有時聚餐，或者其他節目嗰時，你係我哋VIP嘅嚟㗎，你可以隨時陪我哋飲下酒，同我哋聚舊，返沙田睇我哋，唔好整蠱我哋呀！肥仔，你安息啦！」眾人聽著更顯不捨，其後同袍們齊聲喊道：「你安息啦！我哋天堂見啦。你係我哋嘅英雄嚟㗎，拜拜，肥仔，喺天堂見喇。」