曾展望(GM) 和葉蒨文(Sophie) 10月13日一起出席《善心滿載仁愛堂》記者會。
GM近日28歲生日，GM透露與Sophie一起拍攝搞笑視頻慶祝生日。葉蒨文則表示已經請了GM食飯兼且有送禮物。GM被問到嫲嫲是否有催盡快BB，他表示：「冇咁快。因為嫲嫲已經有孫仔，唔會急住要曾孫，我有堂阿哥，所以嫲嫲都唔急。」葉蒨文指思考過這個問題，並表示：「本身都諗過會唔會冇乜幾多時間（年紀大），但現時科技發達咗好多，所以有咁多例子可以參考，我都變成冇咁擔心。」
Sophie在社交網放上一條短片，門外貼上紙條寫：「GM：給你準備的生日禮物放在床上了！」只見GM的手推開相信是酒店房的大門，見房中一張King Size大床上面有個禮物盒，盒上寫上：「你最喜歡的！」一打開禮物，見到瞓在床的Sophie嘟住嘴仔，似要索吻，原來她把自己包成禮物送給GM，難怪不少網民留言：「救命呀！我對眼畀你哋閃到盲咗啦！好sweet呀！」
