Tyson Yoshi與太太Christy日前在意大利舉行盛大婚禮，近日來不停在社交媒體上洗版，
而婚禮化妝師Daniel早前在網上分享了一段「蝦碌」經歷，透露自己由於航班問題，其化妝箱竟遺留在瑞士，未能隨行抵達意大利。在工具盡失的窘境下，他被迫在當地即時購買全新化妝品。
資深化妝師突然深夜直言：「裝備唔hand carry真係好唔夠專業」，並指出「連呢啲唔專業嘅低級失誤嚟博流量為乜」。
「化得靚唔靚唔評論，因為化妝好主觀。但我作為一個出oversea出左十幾年既MUA可以講一句，裝備唔hand carry真係好唔夠專業，仲要攞自己既失誤嚟自J。我識既所有行家包括我，寧願唔見左條底褲都唔可以無左副架生。每次飛要死拖住一大一細喼。」
「化得靚唔靚唔評論，因為化妝好主觀。但我作為一個出oversea出咗十幾年既MUA可以講一句，裝備唔hand carry真係好唔夠專業，仲要攞自己嘅失誤嚟自J。我識嘅所有行家包括我，寧願唔見咗條底褲都唔可以無咗副架生。每次飛要死拖住一大一細喼。」 「有冇諗過，有機會係可以做得更好？唔係好明連呢啲唔專業嘅低級失誤嚟博流量為乜。比着係我知道啲助手呀、我公司嘅化妝師會咁做，實比我媽叉死。教埋你 : hair spray同眉剪眉剃就真係要寄倉，其他全部可以hand carry .」
Tyson Yoshi忍不住為Daniel發聲：「我覺得化得好靚喎，你嘈咩？」 更直斥：「你都係想搞人哋冇工開啫，唔好咁正義喇。」
化妝師Daniel轉發Tyson Yoshi的留言：「喂啊，明明好小事，想1分享一次難忘嘅經歷，搞到百幾萬view。幾樣嘢想address返，以後出trip做嘢會執多套handy嘅工具係hand carry，避免total loss風險。一眾準新娘放心，我無再接新娘，無同其他parties 合作/掛單，香港嘅工作都少接咗好多，唔洗擔心遇到我。今次接Christy嘅婚禮係真係想照顧christy結婚化妝呢部分先決定做，條reels原意只係想分享呢個意外，同時appreciate christy & tyson嘅體諒，可能有人睇完覺得我嬉皮笑臉，唔知錯仲make fun of it。其實係想表現得雲淡風輕，但除咗panic 總有方法解決，坦白講當時發生係害怕極了，喊左少少，但之後沉住氣去處理。品牌方完全無要求我出任何content，我分享只係基於gesture 覺得滿意， 值得分享（過往一年化到滿意嘅妝，我都有咁樣share product list）。各個comment指教我都有睇，人無完美，我係一直學習緊，我想呢件事就去到呢到完滿咗佢，多謝大家關注咗一整日，love you all！」