網紅「五索」鍾睿心(Rachel)，生活愈來愈高調，頻頻拍片分享生活日常，早前更宣布開「五索鍾粉會」，吸引不少網民加入。
直播間，有網民問到五索是怎樣搞得掂馬生，向來敢言的五索就大爆：
「首先我從來都冇搞掂過佢，係佢依依不捨咁樣黏住我，其實我已經拒絕咗佢好多次，但係因為我魅力沒法擋嘅關係，佢就成日都黐住我。」眼見五索成功釣金龜，有人就問她會否搞天王嫂訓練班？五索就笑言：「其實我好想，因為可以賺好多錢。」
當五索講得興高采烈之際，囝囝突然搵媽咪，並想衝入鏡頭，五索緊張大嗌：「呀呀呀， cannot ，唔好過嚟，千祈唔好過嚟，我開緊live」並向網民表示：「你等我一陣先，我個仔要衝過嚟，哇，佢出咗個樣，我以後就真係即刻俾人cut水喉。」
一直以來有不少人鬧爆她做小三，五索卻首次為此作出回應：「其實我想問吓你同馬先生係朋友，你知道人哋屋企嘅嘢？ 所以點解我從來都唔解釋呢，就算我解釋幾多都好，永遠都有人鬧你，我唔會覺得自己委屈，但係我會覺得香港人鍾意judge 咗人先，所以人哋嘅家事呢，你唔係咁清楚，你都可以comment嘅，不過我唔會理咁多，我亦都唔會解釋太多。」