鍾柔美Yumi流出被劉展霆錫面的親密照，二人緋聞傳足三年，不過12月27日在《新城勁爆頒獎禮2025》後台受訪時堅稱與男方為「死黨」，更指錫面只是玩Truth Or Dare（真心話大冒險）的遊戲懲罰：「Christmas party玩真心話大冒險，之後我就有個懲罰。跟住post咗冇幾耐，經理人就打畀我問『你哋做緊啲咩呀？』我就話我玩遊戲一定要post。」被問與劉展霆關係，鍾柔美形容：「暫時係好朋友，同埋了解中。」
鍾柔美當時透露：「其實我有其他post，我唔知大家你有冇睇，我都係即刻delete咗，都係同一個遊戲輸咗，又係做返同一個Dare，係第二個人嚟嘅，但係我唔知大家有冇睇到，因為我都係有delete到，因為我純粹要做嗰件事，純粹係玩，但係我知道因為呢個Christmas party，的確真係玩到可能過咗少少，我遲啲會留意返。」
