「ViuTV特派記者E」呂爵安Edan再度出擊！專門訪問剛奪得全運會男子花劍團體金牌的「老best」蔡俊彥及張家朗、梁千雨及吳諾弘組成的花劍男團！香港男子花劍隊在決賽以45比34大勝福建隊，為香港奪得第9金。賽後訪問中，兩位好友的互動再次成為全場焦點，蔡俊彥更主動將金牌掛在呂爵安頸上，友誼深厚令人動容！
全程正正經經。吳諾弘受訪完畢，輪到Ryan時，Edan突然說：「好，咁我哋採訪就差唔多啦！」大家愕然，接着忍不住爆笑拍掌。
Edan見整蠱得逞，之後笑笑口話：「OKOK，問埋Ryan先啦！關心吓你嘅身體先啦，感冒好番未？」Ryan說：「七七八八啦，贏就好番啦！」Edan讚他：「今日見到你打得好進取，好有火啦，特別有一招，好似會急衝前嘅一招數，想問下你嗰招叫咩名堂？」Ryan想一想答：「嗰招叫『好勇敢，但裁判都唔判畀我』囉。」Edan指：「咁長嘅！『好勇敢，但裁判都唔判畀我』11個字。」Ryan爆seed：「即係你唱歌好好，但都唔頒獎畀你。」Edan語塞，然後說：「獎項其次啦！」
訪問後，Ryan主動將金牌除下，讓Edan戴上，Edan化身港隊一份子影大合照。