《墨魚遊戲2》播出，引來網民洗版。其中劉以達、陸永、鄧兆尊、周秀娜、錢嘉樂、洪天明等表現令網民瘋狂loop。
鄧兆尊在網上節目分享玩後感，大爆他與錢嘉樂、森美竟然一心求死，所以專登玩輸，提早「收工」，並分析為何在無綫拍過綜藝的人會比較搶鏡。兆尊表示當日早上要10點到，拍完第2個遊戲已經是晚上7點，每一個遊戲開始前，都要Briefing接近1小時，「我又要趕返去做直播，嗰日係星期一，錢嘉樂話好攰，而森美、小儀收工後去，已經睇到森美好攰。」所以他與錢嘉樂、森美為想「早收工」，於是專登在遊戲上輸掉。他說：「如果要拍晒，我估都要（凌晨)2點或以上。」鄧兆尊說：「我哋呢啲老前輩，有咩係做唔到，要『死』係好難。你留意下森美、錢嘉樂係點樣玩過3關，我哋喺排隊嗰陣已經諗『點先會死呢？』而又要做到要死但唔可以被人察覺到就難度高啦！」