關淑怡神隱多時，但今日有報導指Shirley因病入院，其子關俊賢聞訊後立即返港探望，情況令人擔憂。
報導指關淑怡需要進入ICU留醫，更指探病家屬都未有帶同食物，暗示Shirley可能未能進食，病情非輕。關淑怡獨力撫養嘅23歲兒子關俊賢近年於美國生活，得知媽媽狀況後已回港探望。傳媒拍到關俊賢同外公、即關淑怡爸爸守候醫院多日，而且神情哀傷。報導提及關俊賢租住醫院附近酒店，但只係間中返去休息，而且都係外公勸喻先去食飯。
關淑怡不時傳出情緒不穩嘅新聞，2016年就曾經因為喺居住嘅愉景灣跳海而被送院，當時報導指Shirley同朋友食完飯之後表示唔開心，於是跳入海中游泳。2012年就因為喺愉景灣同人發生爭執而報警求助。