周驄喪禮今舉行好友一度哽咽

資深演員周驄本月初因為肺炎而離世，享年92歲。周驄嘅喪禮今早進行，靈柩被移送到歌連臣角火葬場火化，而為周驄扶靈嘅圈中人包括胡楓、安德尊、鍾志光、張國強等。過去同周驄合作過嘅藝人如古天樂、吳彥祖、楊千嬅等都有送上花牌致哀。

設靈時，周驄多位圈中好友都有到殯儀館送別，其中同周驄相識多年嘅羅蘭，受訪時更一度哽咽。羅蘭姐話以前同周驄廿幾歲時一齊拍戲，近幾年又會拍TVB劇。羅蘭姐憶述故友時指「明白有啲病冇得醫，希望大家都保重」。