近日在無綫節目《女神配對計劃》關嘉敏，於2016年以女團Bingo出道，2020年參加ViuTV節目《全民造星III》備受關注，翌年轉投無綫。
去年於《福祿壽訓練學院》憑反串扮譚輝智爆紅。近期推出首支個人單曲《愛不罕有》。關嘉敏接受商台《星光背後》訪問，回想當日不理父母反對入行組5人女團，出道不久已差不多花光教跳舞儲的6位數字積蓄，演出多數得車馬費。
關嘉敏在《全民造星III》20強止步，獲好評成人生首個事業轉捩點，之後接了不少廣告，幾乎一星期拍3個，好感恩及感謝節目。翌年她轉投無綫被網民鬧爆，關嘉敏說：「我哋有經理人公司的全部無簽ViuTV，ViuTV亦無意欲簽我，亦無義務要用我，但我多謝他們令我們知名度提升。去邵氏是我公司決定，或者不是一個好時機就畀人鬧爆，最傷心最難頂話我反骨，外間不知原因，我喊了3日3夜。同一時間最支持我做這行的阿嫲走了，更不想父母不開心，無同屋企人講，只係匿埋喊。」關嘉敏的工作與收入同時被「罵停」，好多廣告取消及下架，感到好無助和無奈，「我無得揀，只跟公司指令做，支持我的人沒有了，好似什麼都無晒。轉投無綫後，視每個出鏡機會是良機，抱只有大膽及無得輸心態」。