有「王浩信2.0」之稱的TVB藝人林俊其，6月16日嗰集出現向心儀女神(羅毓儀Yuki)表白:「我覺得佢每做一件事都會好驚、同埋都會諗好多嘢，所以就阻住咗佢行前一步。但我想講你相信自己就可以；同埋如果可以嘅話，我想做你輔助」。
當事人Yuki好震撼，仲話以為係講緊李芷晴。羅毓儀之後追問林俊其幾時開始留意佢，Kris直認「有留意好耐架喇」然後羅毓儀同林俊其相當怕醜嘅互動，就連當事人Kris行到Yuki都嗌「完未呀呢個環節！」
林俊其再次表白:「我覺得Yuki係一個需要多啲陪伴鼓勵，可能佢鍾意睇戲、睇動漫、或鍾意食某啲嘢，我都會陪佢先。我希望之後如果你（羅毓儀）有好多煩惱，又或者做嘢方面嘅嘢，我會想同你一齊研究、一齊去進步，希望有呢個機會。」令Yuki哽咽眼紅。
到底以上係真感情定演員做戲令網上網民質疑。「呢對好假啊！成三十歲人，應該有d歷練，冇理由一兩句就感動到喊」 但都網民表示「我唔認為佢哋有咁好演技」。