曾志偉5月18日上由阮兆祥、梅小惠及江欣燕主持的《友乜唔講得》做壓軸登場的嘉賓。
輪流分享「一起扮嘢的日子」，其中志偉便分享了昔日拍攝《娛樂反斗星》及《娛樂北斗星》時的難忘點┌滴。由於工作性質關係，志偉多年來生活模式與一般人顛倒，小惠打趣問志偉為何如此熱愛自由及喜歡沒有壓力、會突然180度轉變加入無綫做高層，小惠說：「你朝早8點幾鐘就返工，打Golf都冇咁早，真係要付出好多喎，點解你當其時咁大膽會接受呢？」志偉即笑言其實高估了自己：「咁我都高估咗我自己嘅，我初初都以為唔使咁辛苦嘅，但原來係唔得嘅。」
志偉續指加入TVB其實有兩大原因：「第一TVB可以講得係我成長嘅地方，我對TVB好有感情，第二就係我覺得，如果呢個行業係佢養大我嘅，我有能力嘅話，都希望喺呢個行業度做返啲嘢啦…我記得嗰時搵我返TVB，我自己都諗咗好耐，亦都有同我啲仔女分享，佢哋梗係反對啦，話『喂依家先嚟咁辛苦？唔使喇啩！』」志偉續指入了TVB當行政人員後，確實有很多不習慣的地方：「最唔習慣係要睇日曆過日子，以前係唔知咩叫做公眾假期。我成日覺得我哋嘅行業冇假期嘅，要做嘢就做嘢，做掂咗就得㗎喇，做掂咗咪放假囉。」
談到志偉主持過的綜藝節目，很多人第一時間會想起《獎門人》系列，小惠問到志偉對《獎門人》的堅持，志偉坦言每年都想唔再做：「《獎門人》我當然好想做，啲嘉賓令現場啲觀眾笑之餘，我自己都（覺得）好笑㗎嘛，又開心又有錢攞，幾開心係咪先？不過我其實年年都想話：『唔做嘞』，因為其實做獎門人就冇機會做第二啲新嘅節目，我成日都想嘗試下唔同嘅嘢。」
