女子組合 Lolly Talk成員郭曉妍（Ah Yo）2021年以16歲之齡參加《全民造星IV》，憑住青春甜樣兼可愛個性，大受宅男歡迎。現年20歲的Ah Yo 是隊內隱藏學霸，畢業於知名英中庇理羅士女子中學，現在則入讀香港理工大學，更精通多種樂器，包括小提琴、中提琴及古箏，多才多藝；不過，最近Ah Yo 因「爭仔」失敗，被一名女子大爆其「小學雞」欺凌行為，講粗口對話截圖更被流出，女神形成立即被幻滅。
據悉，Ah Yo與即將出道嘅男新人成基哲（Andy）及一名男子阿樹為關係相當友好嘅同學，不過自去年阿樹與另一位女同學Zoki拍拖，Ah Yo覺得Zoki搶咗好朋友阿樹而處處針對佢。Zoki受到各種欺凌，決定公開事件，於IG限時動態點名Ah Yo及Andy，叫佢哋成熟啲，唔好再搞咁多小動作：「好聚好散，希望你哋明呢字點解。」、「最後最後無論我同阿樹以後係一齊定分手，其實都唔關你哋事。」Zoki又大曬傷勢，表示Andy刻意推撞自己：「宜家啲Kol係咪都咁惡，你夾埋’知名女團成員’欺凌我男朋友都算，你宜家一個大男人都要特登咁撞我」。另外，Ah Yo又分享一張WhatsApp群組對話截圖：「我男朋友repo咗呢個Story，點知佢啲朋友cap左上group又開始情緒勒索」，從截圖中見到Ah Yo回覆朋友指：「如果係我會X你老母」，Zoki則表示覺得好不受尊重。
